الأسئلة الشائعة

إحنا منصة للتنازل عن وحدات التقسيط بدون أوفر: البايع اللي مش قادر يكمّل أقساطه بيسترجع كل اللي دفعه كاش، والمشتري بياخد الوحدة بسعر التعاقد القديم ويكمّل الأقساط. إحنا بنتحقق من العقود والمستندات، بنطابق الطرفين، وبنمشي معاهم في إجراءات نقل التعاقد عند المطور لحد ما البايع يقبض.

معناها إن البايع بياخد اللي دفعه بالظبط — مفيش زيادة ولا هامش. ودي مصلحة الطرفين: البايع بيبيع أسرع بكتير لأن سعره أرخص من السوق، والمشتري بيدخل بسعر تعاقد قديم وبيوفّر الفرق بين سعره وسعر المطور النهارده.

لا. سيّلها ليست طرفًا في عقد البيع أو التنازل — إحنا مقدّم خدمة توثيق وتسويق ومرافقة إجراءات. النقل نفسه يتم في مكتب المطور وبموافقته الرسمية، والمستندات كلها باسم الطرفين.

تقييم عقدك وتقرير الخروج والمطابقة والمرافقة كلها مجانية — مفيش أي رسوم مقدّمة ولا اشتراك. والعمولة (1.25% من قيمة التعاقد) على المشتري وحده وعند إتمام النقل بنجاح — البايع مش بيدفع ولا جنيه.

إجمالي اللي دفعته للمطور لحد النهارده — المطور ما بيخصمش منه حاجة. ومفيش عمولة عليك. جرّب حاسبة الخروج تشوف الفرق بينه وبين الإلغاء عند المطور (اللي بياخد عادة 10–15% من المدفوع).

مفيش وعد بمدة محددة — وأي حد بيوعدك بمدة مضمونة يبقى بيضلّلك. اللي إحنا بنعمله إننا نخلّي عرضك أسرع الموجود: سعر بدون أوفر، أرقام متحققة، ومطابقة مع مشترين قادرين فعلًا يكمّلوا.

في أي وقت قبل توقيع اتفاق الخدمة، ومن غير أي التزام أو رسوم.

لا. رقم الوحدة واسمك وبياناتك ما بتظهرش في الفرصة المنشورة — بتتكشف بعد تثبيت الحجز فقط وضمن إجراءات النقل الرسمية.

بيشمل المبلغ اللي بيرجع للبايع (اللي دفعه للمطور) + رسوم نقل التعاقد عند المطور + عمولة المنصة 1.25%. الرقم المعلن على كل فرصة شامل ده كله — مفيش مفاجآت.

عند إتمام نقل التعاقد بنجاح فقط. لو النقل ما تمش لأي سبب — مفيش عمولة على حد.

كل فرصة ليها شريحة تحقق ظاهرة: «متحقق بالمستندات» (عقد + إيصالات مطابقة)، «هوية المالك متحققة»، وأعلاها «موثق من المطور» (كشف حساب من المطور نفسه). وبنراجع تطابق مجموع الإيصالات مع المدفوع المعلن.

ضمن إجراءات النقل الرسمية عند المطور — مش بندفع حاجة قبلها. المنصة لا تحتفظ بأموال الطرفين.

بنتحقق من سياسة كل مطور قبل النشر (بعض المطورين بيسمحوا بالنقل بعد سداد نسبة معينة). لو حصل رفض بعد الحجز، الصفقة بتتوقف وبيتم رد العربون وفق الاتفاق — والفرصة بترجع للنشر.

أيوه، بس بصفتك شريك إحالة مش بصفتك صاحب الطلب. الطلب لازم يتقدّم من مالك الوحدة نفسه بحسابه — بنطابق اسم صاحب التعاقد في العقد مع صاحب الحساب، ولو مختلف بنطلب توكيلًا رسميًا موثقًا. وإنت بنسجّلك ونديك كود إحالة، المالك بيكتبه في طلبه، ولو الفرصة اتباعت بياخد نصيبك من عمولتنا — من غير أوفر على المشتري ولا خصم من البايع. اللي رافضينه هو إن حد يقدّم وحدة مش بتاعته وكأنها بتاعته.

العقد، إيصالات السداد، وبطاقة الرقم القومي لصاحب التعاقد. وكشف حساب من المطور اختياري لكنه بيرفع تصنيف فرصتك ويسرّع البيع.